Галоўная / Структура i склад / Члены Савета Рэспублiкi

Мясніковіч Міхаіл Уладзіміравіч

Старшыня Савета Рэспублікі Нацыянальнага сходу Рэспублікі Беларусь

Выбраны членам Савета Рэспублікі Нацыянальнага сходу Рэспублікі Беларусь шостага склікання ад горада Мінска

Адрас і службовы тэлефон:

220016, г. Мінск,
вул. Чырвонаармейская, д. 9
8-017-222-66-94

Расклад асабістага прыёму на бягучы месяц
Біяграфія

Нарадзіўся 6 мая 1950 года ў вёсцы Новы Сноў Нясвіжскага раёна Мінскай вобласці.

У 1967 годзе з сярэбраным медалём скончыў Cноўскую сярэднюю школу, у 1972 годзе — Брэсцкі інжынерна-будаўнічы інстытут, у 1989 годзе — Мінскую вышэйшую партыйную школу.

У 1972 годзе пачаў працоўную дзейнасць інжынерам у дзяржаўным праектным інстытуце «Мінскпраект».

У 1972 — 1973 гадах служыў у радах Савецкай Арміі.

З 1973 па 1983 год працаваў на інжынерных і кіруючых пасадах у камунальнай гаспадарцы горада Мінска.

У 1983 — 1986 гадах быў старшынёй выканкама Савецкага раённага Савета народных дэпутатаў горада Мінска, намеснікам старшыні выканкама Мінскага гарадскога Савета народных дэпутатаў, сакратаром Мінскага гаркама Камуністычнай партыі Беларусі.

З 1986 па 1990 год — Міністр жыллёва-камунальнай гаспадаркі БССР.

З 1990 па 1995 год — Намеснік Старшыні Савета Міністраў БССР — Старшыня Дзяржаўнага камітэта БССР па эканоміцы і планаванні, Першы намеснік Старшыні Савета Міністраў Рэспублікі Беларусь, Намеснік Прэм’ер-міністра Рэспублікі Беларусь.

З 1995 па 2001 год — Кіраўнік Адміністрацыі Прэзідэнта Рэспублікі Беларусь.

У 2001 — 2010 гадах — кіраўнік Нацыянальнай акадэміі навук Беларусі (Прэзідэнт, з 2004 года — Старшыня Прэзідыума).

З 2010 па 2014 год — Прэм’ер-міністр Рэспублікі Беларусь.

Выбіраўся Старшынёй Савета Рэспублікі Нацыянальнага сходу Рэспублікі Беларусь пятага склікання.

12 кастрычніка 2016 года выбраны Старшынёй Савета Рэспублікі Нацыянальнага сходу Рэспублікі Беларусь шостага склікання.

Мае тры падзякі Прэзідэнта Рэспублікі Беларусь.

Узнагароджаны ордэнамі «Знак Пашаны» (1981), Айчыны III ступені (2000), Дружбы (Расійскай Федэрацыі) (2009), Дружбы (Кітайскай Народнай Рэспублікі) (2010), Беларускай праваслаўнай царквы Свяціцеля Кірылы Тураўскага I ступені (2010), юбілейнымі медалямі, нагрудным знакам «Залаты медаль Нацыянальнай акадэміі навук Беларусі «За вялікі ўклад у развіццё навукі» (2014), ганаровымі граматамі Савета Міністраў Рэспублікі Беларусь і Нацыянальнага сходу Рэспублікі Беларусь. Ганаровы грамадзянін горада Нясвіжа (2015).

Доктар эканамічных навук (1998), прафесар (2003), член-карэспандэнт Нацыянальнай акадэміі навук Беларусі (2009). Ганаровы доктар Санкт-Пецярбургскага дзяржаўнага эканамічнага ўніверсітэта (2008) і В’етнамскай Акадэміі навук і тэхналогій (2011). Ганаровы прафесар Беларускага дзяржаўнага ўніверсітэта (2017). Падрыхтаваў трох кандыдатаў навук.

Жанаты. Мае сына і дачку, траіх унукаў.

Усе сенатары
Тэрытарыяльнае прадстаўніцтва
Магілёўская вобласць

Магілёўская вобласць — самы ўсходні рэгіён Беларусі — мяжуе з Расійскай Федэрацыяй. Працягласць рэгіёну з поўначы на поўдзень — 150 км, а з захаду на ўсход — болей чым 300 км. Плошча вобласці — 29,1 тыс. кв. км.

Магілёўскі абласны Савет дэпутатаў

Брэсцкая вобласць

Брэсцкая вобласць з'яўляецца адной з шасці абласцей Рэспублікі Беларусь. Размешчана на паўднёвым захадзе дзяржавы і займае тэрыторыю плошчай 32,7 тыс. квадратных кіламетраў. Колькасць насельніцтва – 1,388 млн чалавек, у Брэсце пражывае каля 300 тыс. чалавек.

Брэсцкі абласны Савет дэпутатаў

Віцебская вобласць

Віцебская вобласць — адзін з маляўнічых куткоў Еўропы. Па прыгажосці, унікальнасці фаўны і флоры, па багацці запаведных месцаў цяжка знайсці ёй роўных. Векавыя хвойныя лясы займаюць 60% усёй лесапакрытай тэрыторыі. Найбольш высокай лясістасцю адзначаюцца Расонскі, Полацкі, Лепельскі, Докшыцкі, Гарадоцкі раёны.

Віцебскі абласны Савет дэпутатаў

Гродзенская вобласць

Цэнтр вобласці — г. Гродна (насельніцтва — 309 тыс. чалавек). У складзе вобласці 17 раёнаў, 194 сельскіх Савета, 12 гарадоў, у тым ліку 6 абласнога падпарадкавання, 21 пасёлак гарадскога тыпу. Тут пражывае 11,7 % насельніцтва краіны.

Вобласць утворана 20 верасня 1944 года. Плошча яе складае 25,1 тыс. км, насельніцтва — 1 млн 184 тыс. чалавек.

Найбольшая працягласць з захаду на ўсход — 213 км, з поўначы на поўдзень — 247 км. Паверхня вобласці пераважна раўнінная, у цэнтральнай яе частцы знаходзіцца Нёманская нізіна. Маюцца марэнавыя ўзвышшы — Гродзенская, Ваўкавыская, Слонімская, Навагрудская і Ашмянская.

Гродзенскі абласны Савет дэпутатаў

Гомельская вобласць

Гомельская вобласць размешчана на паўднёвым усходзе Беларусі і мяжуе з Бранскай вобласцю Расіі, а таксама з Кіеўскай, Чарнігаўскай і Жытомірскай абласцямі Украіны.

Плошча тэрыторыі — 40,4 тыс. кв. км, што складае пятую частку тэрыторыі рэспублікі. У склад вобласці ўваходзіць 21 раён і 4 раёна ў г. Гомелі, 17 гарадоў, 18 пасёлкаў гарадскога тыпу, 2608 сельскіх населеных пунктаў.

Гомельскі абласны Савет дэпутатаў

Мінск

Мінск — горад з амаль тысячагадовай гісторыяй, сталіца і самы буйны горад Рэспублікі Беларусь, месца афіцыйнага знаходжання міждзяржаўных органаў Садружнасці Незалежных Дзяржаў. Мінск разбіты на 9 гарадскіх раёнаў. Горад мае свой статут, герб і гімн.

Мінскі гарадскі Савет дэпутатаў

Мінская вобласць

Мінская вобласць — цэнтральная, самая вялікая па тэрыторыі вобласць Рэспублікі Беларусь, мяжуе з усімі абласцямі рэспублікі. Плошча – 39,9 тыс. квадратных кіламетраў, найбольшая працягласць з поўначы на поўдзень – 315 км, з захаду на усход – 240 км. Плошча вобласці (з Мінскам) складае 19,4% плошчы Беларусі.

Мінскі абласны Савет дэпутатаў

Назначаныя ўказам Прэзідэнта
Назначаныя ўказам Прэзідэнта

Брэст Віцебск Гомель Гродна Мінск Магілёў

Інтэрнэт-рэсурсы