Галоўная / Дзейнасць / Заканадаўчая дзейнасць

Заканадаўчая дзейнасць

Права заканадаўчай ініцыятывы рэалізуецца суб’ектамі права заканадаўчай ініцыятывы шляхам унясення ў Палату прадстаўнікоў праектаў законаў. Права заканадаўчай ініцыятывы належыць Прэзідэнту Рэспублікі Беларусь, дэпутатам Палаты прадстаўнікоў, Савету Рэспублікі, Ураду, а таксама грамадзянам Рэспублікі Беларусь, якія валодаюць выбарчым правам, у колькасці не менш за 50 тысяч чалавек.

Праекты законаў аб унясенні змяненняў і (або) дапаўненняў у Канстытуцыю Рэспублікі Беларусь, аб тлумачэнні Канстытуцыі Рэспублікі Беларусь разглядаюцца ў Палаце прадстаўнікоў па прапанове Прэзідэнта Рэспублікі Беларусь або па ініцыятыве не менш за 150 тысяч грамадзян Рэспублікі Беларусь, якія валодаюць выбарчым правам.

Законапраекты, вынікам прыняцця якіх можа быць скарачэнне дзяржаўных сродкаў, стварэнне або павелічэнне расходаў, могуць уносіцца ў Палату прадстаўнікоў толькі са згоды Прэзідэнта Рэспублікі Беларусь або па яго даручэнні — Урада.

Прэзідэнт Рэспублікі Беларусь або па яго даручэнні Урад маюць права ўносіць прапановы ў Палату прадстаўнікоў і Савет Рэспублікі аб абвяшчэнні разгляду праекта закона тэрмiновым. Палата прадстаўнікоў і Савет Рэспублікі ў гэтым выпадку павінны разгледзець гэты праект закона на працягу 10 дзён з дня ўнясення на іх разгляд.

Першачарговаму разгляду палатамi Нацыянальнага сходу падлягаюць праекты законаў:

аб унясенні змяненняў і (або) дапаўненняў у Канстытуцыю Рэспублікі Беларусь, аб увядзенні ў дзеянне законаў аб унясенні змяненняў і (або) дапаўненняў у Канстытуцыю Рэспублікі Беларусь;

аб тлумачэнні Канстытуцыі Рэспублікі Беларусь;

непасрэдна накіраваныя на рэалізацыю палажэнняў Канстытуцыі Рэспублікі Беларусь;

аб рэспубліканскім бюджэце на чарговы фінансавы год;

падрыхтаваныя на аснове нарматыўных прававых актаў Саюзнай дзяржавы.

Палата прадстаўнікоў прымае рашэнні ў форме законаў і пастаноў. Савет Рэспублікі прымае рашэнні ў форме пастаноў. Рашэнні палат Нацыянальнага сходу лічацца прынятымі пры ўмове, што за іх прагаласавала большасць ад поўнага складу палат Нацыянальнага сходу.

Большасцю не менш за дзве трэці галасоў ад поўнага складу кожнай з палат Нацыянальнага сходу прымаюцца:

Канстытуцыя Рэспублікі Беларусь;

законы аб унясенні змяненняў і (або) дапаўненняў у Канстытуцыю Рэспублікі Беларусь;

законы аб увядзеннi ў дзеянне законаў аб унясенні змяненняў і (або) дапаўненняў у Канстытуцыю Рэспублікі Беларусь;

законы аб тлумачэнні Канстытуцыі Рэспублікі Беларусь;

законы аб асноўных напрамках унутранай і знешняй палітыкі Рэспублікі Беларусь, аб ваеннай дактрыне Рэспублікі Беларусь (праграмныя законы);

законы, вернутыя Прэзiдэнтам Рэспублiкi Беларусь са сваiмi пярэчаннямi для паўторнага разгляду і галасавання, у выпадку пераадолення гэтых пярэчанняў;

законы аб унясенні змяненняў і (або) дапаўненняў у закон, асобныя палажэнні якога вернуты Прэзідэнтам Рэспублікі Беларусь са сваімі пярэчаннямі для паўторнага разгляду і галасавання, у выпадку пераадолення гэтых пярэчанняў.

Палата прадстаўнікоў па патрабаванні Прэзідэнта Рэспублікі Беларусь або па яго даручэнні — Урада прымае большасцю не менш за дзве трэці галасоў ад поўнага складу Палаты прадстаўнікоў законы, па якіх пагаджальнымі камісіямі, створанымі палатамі Парламента, не прыняты ўзгодненыя тэксты праектаў законаў.

Тэрытарыяльнае прадстаўніцтва
Магілёўская вобласць

Магілёўская вобласць — самы ўсходні рэгіён Беларусі — мяжуе з Расійскай Федэрацыяй. Працягласць рэгіёну з поўначы на поўдзень — 150 км, а з захаду на ўсход — болей чым 300 км. Плошча вобласці — 29,1 тыс. кв. км.

Магілёўскі абласны Савет дэпутатаў

Брэсцкая вобласць

Брэсцкая вобласць з'яўляецца адной з шасці абласцей Рэспублікі Беларусь. Размешчана на паўднёвым захадзе дзяржавы і займае тэрыторыю плошчай 32,7 тыс. квадратных кіламетраў. Колькасць насельніцтва – 1,388 млн чалавек, у Брэсце пражывае каля 300 тыс. чалавек.

Брэсцкі абласны Савет дэпутатаў

Віцебская вобласць

Віцебская вобласць — адзін з маляўнічых куткоў Еўропы. Па прыгажосці, унікальнасці фаўны і флоры, па багацці запаведных месцаў цяжка знайсці ёй роўных. Векавыя хвойныя лясы займаюць 60% усёй лесапакрытай тэрыторыі. Найбольш высокай лясістасцю адзначаюцца Расонскі, Полацкі, Лепельскі, Докшыцкі, Гарадоцкі раёны.

Віцебскі абласны Савет дэпутатаў

Гродзенская вобласць

Цэнтр вобласці — г. Гродна (насельніцтва — 309 тыс. чалавек). У складзе вобласці 17 раёнаў, 194 сельскіх Савета, 12 гарадоў, у тым ліку 6 абласнога падпарадкавання, 21 пасёлак гарадскога тыпу. Тут пражывае 11,7 % насельніцтва краіны.

Вобласць утворана 20 верасня 1944 года. Плошча яе складае 25,1 тыс. км, насельніцтва — 1 млн 184 тыс. чалавек.

Найбольшая працягласць з захаду на ўсход — 213 км, з поўначы на поўдзень — 247 км. Паверхня вобласці пераважна раўнінная, у цэнтральнай яе частцы знаходзіцца Нёманская нізіна. Маюцца марэнавыя ўзвышшы — Гродзенская, Ваўкавыская, Слонімская, Навагрудская і Ашмянская.

Гродзенскі абласны Савет дэпутатаў

Гомельская вобласць

Гомельская вобласць размешчана на паўднёвым усходзе Беларусі і мяжуе з Бранскай вобласцю Расіі, а таксама з Кіеўскай, Чарнігаўскай і Жытомірскай абласцямі Украіны.

Плошча тэрыторыі — 40,4 тыс. кв. км, што складае пятую частку тэрыторыі рэспублікі. У склад вобласці ўваходзіць 21 раён і 4 раёна ў г. Гомелі, 17 гарадоў, 18 пасёлкаў гарадскога тыпу, 2608 сельскіх населеных пунктаў.

Гомельскі абласны Савет дэпутатаў

Мінск

Мінск — горад з амаль тысячагадовай гісторыяй, сталіца і самы буйны горад Рэспублікі Беларусь, месца афіцыйнага знаходжання міждзяржаўных органаў Садружнасці Незалежных Дзяржаў. Мінск разбіты на 9 гарадскіх раёнаў. Горад мае свой статут, герб і гімн.

Мінскі гарадскі Савет дэпутатаў

Мінская вобласць

Мінская вобласць — цэнтральная, самая вялікая па тэрыторыі вобласць Рэспублікі Беларусь, мяжуе з усімі абласцямі рэспублікі. Плошча – 39,9 тыс. квадратных кіламетраў, найбольшая працягласць з поўначы на поўдзень – 315 км, з захаду на усход – 240 км. Плошча вобласці (з Мінскам) складае 19,4% плошчы Беларусі.

Мінскі абласны Савет дэпутатаў

Назначаныя ўказам Прэзідэнта
Назначаныя ўказам Прэзідэнта

Брэст Віцебск Гомель Гродна Мінск Магілёў

Інтэрнэт-рэсурсы